حكماء الاغريق السبعه

حكماء الاغريق السبعه : تسمية أطلقت على 7 فلاسفه و سياسيين يونانيين .. شاركوا فى عمل قوانين اجتماعيه متقدمه استخدمها اليونانيين بعد ثورة اهل اثينا على حكامهم و ابتكارهم النظام الديموقراطى .. وهم :

• تاليس
• سولون
• كيلون
• بياس
• كليوبولوس
• بيتاكوس
• بيرياندر

 تاليس
( 635 ق.م.-543 ق.م)
(باليونانى: Θαλης) ولد فى مليتوس - أيونيا (تركيا الآن)
لذلك يعرف أيضا بـ تاليس المليسى او طاليس .
يعد من فلاسفه ما قبل سقراط و احد  حكماء الاغريق السبعه.
بل و يرى الكثير أنه اول فيلسوف فى الثقافه اليونانيه و ابو العلوم .

وهو اول من قاس طول الهرم الاكبر من خلال مقارنة ظله .. بظل إرتفاع الهرم
كما إنه عالم رياضيات وقام بحل الكثير من المسائل هندسه.
كان يرفض ان الاشياء او الظواهر التى تفسر على أنها ترجع إلى لما وراء الطبيعه كـ العفاريت و الاساطير  أنها تتعلل بسبب علمى و عقلى , لذلك فإنه يلقب بـ ابو العلوم.

فلسفته
تعتمد على أنه لابد أن يكون للكون خالق إله واحد و ليس عدة آلهة  كما إعتقد اليونانين .
وان الإله مختلف عن الانسان كذلك فى صفاته و ليس كما يصفوه الشعراء و الاساطير .. اسس المدرسه الميليسية !
 

 سولون
(638 ق.م - 558 ق.م)
(باليونانى :Σόλων)كان شاعر ورجل قانون اثينى و فيلسوف من حكماء الاغريق السبعه . قام بسن مجموعه من القوانين الاصلاحيه التى كانت ضد نظام الحكم الديكتاتورى حينئذ . رغم انه فشل فى تطبيق اصلاحته على المستوى البعيد إلا أن افكاره واصلاحته اثرت كثيرا فى الثوار اليونانيين .. الذين أقاموا النظام الديموقراطى .

ولد سولون فى أثينا لأسرة من النبلاء  و غنيه و أشتهر كـ شاعر كتب قصائد كتيره شجعت الاتنيين على تحرير جزيرة سلاميس من اعداء أثينا و عينوه قائد القوات التى حررت الجزيره و ثم  اختاروه لمنصب حاكم الاول ووكلوا ليه سلطة تغير القوانين

اصلاحته و قوانينه
فى وقته اتيb'Bold text'ا كانت محتاجه جامد لتغير و اصلاح سياسيى و اقتصادى. كانت الثروه تقريبا كلها فى ايد مجموعه من الناس بس اللى عندهم نفوذ و كان لما الفلاحين بيحتاجوا فلوس يرهنوا اراضيهم مقابل الفلوس و يقدموا نفسهم و عيلتهم وعيالهم كضمان انهم يدفعوا ولو مدفعوش يبقوا عبيد و ارضهم تروح منهم. سولون كان شايف الكلام دا غلط فعمل قانون يلغى كل دا و حرر الفلاحين اللى بقوا عبيد تحت القوانين القديمه. وعمل قوانين بتمنع تصدير القمح و الحبوب ودا سهلت التجاره الخاريجيه و وفرت للاتنين القمح.

عمل اصلاحات دستوريه و قسم الاتنيين لاربع طبقات حسب دخلهم و سمح لكل المواطنين انهم يترشحوا ويبقوا اعضاء فى الجميعه التشريعيه و المحاكم المدنيه و عمل مجلس بيضم 400 واحد عشان يتناقشوا و يراقبوا السلطات السياسيه و الحكام فى الأريوباغوس ( المجلس القضائى) و عمل محاكم شعبيه يقدر الناس يرحوا ياخدوا احكام ضد او يستئنفوا ضد قرارات موظفين الدوله. افكار و اصلاحات سولون فيه شبه و بتعتبر قريبه من الديموقراطيه. قرر سولون انه يسيب منصبه عشان يدى فرصه للتغير و ناس تانيه تمسك المنصب و اخد وعد من الاتنيين انهم يلتزموا بالقوانين بتاعته و سباهم وسافر لمدة عشر سنين ولما رجع شاف أثينا بيحكمها ديكتاتور بيزيستراتوس و لغى كل قوانيه. فانضم سولون للمعارضين لنظام الحكم الديكتاتورى دا و بعد فتره بعد سولون عن الحياه العامه و اعتزل , فى ناس بتقول ان بيزيستراتوس نفاه بره أثينا.
 

 كيلون
كيلون الإسبرطى باليونانى (Χείλων) كان فيلسوف و شاعر و سياسى يونانى , يرجع ليه الفضل فى عمل نظام المستشارين (أو الوزراء) للملوك الذى يقدم النصيحة للملك راى الناس إليه و الوزير (المستشار) ينتخب من اهل اسبرطه .
فى سنة 556 ق.م عين كـ وزير أو مستشار لملك اسبرطة.
يقال انه قام بتعديلات فى سياسيات الحكومه الاسبارطيه التى كانت السبب فى قيام اتحاد البلوبونيز.
 

 بياس
بياس من بريينى (باليونانى: Βίας ο Πρηνεύς)  فيلسوف يونانى و واحد من حكماء الاغريق السبعه ، يعود ليه الفضل فى عمل قوانين اجتماعيه متقدمه عرفت بإسم قانون اتيكا الذى أقر حق الملكيه الفرديه المحدوده و حق الشعب فى الاشراف على مؤسسات الدوله و حق الجماعه فى تشكيل وحده لها قوانينها الخاصه التى تخضع لقانون الدوله

  بيتاكوس
(650 – 570 قبل الميلاد)
سياسى و فيلسوف يونانى
ولد فى ميتيلينى. قاد جيش بلده ضد جيش أثينا فى الحرب التى شنت فى سنة 606 ق./ سيطر على الدردنيل و قتل قائد جيش الاتينى فى المعركه بايد واحده  .. أنتخب حاكما سنة 590 ق.م بلقب أيسمنيتيس بعد عشر سنين فى الحكم استقال
توفى بعد إستقالته بعشر سنوات !
بتنسب إليه حكم و اقاويل كتيره اغلبها سياسيى و اخلاقى.
 

 بيرياندر
(627 ق م - 586 ق م)
كان تانى ملوك كورينث , كان واحد من حكماء الاغريق السبعه. طور مدينته تجاريا واجتماعيا ينسب إليه حكم و مقولات تصل إلى قرابة الألفين .
أقام الكثير من المستعمرات من أجل حماية تجارة بلده هم بوتيدايا فى خالكيديكي وأبولونيا فى إليريا واحتل مدينة إبيداوروس وضم كوركيرا،
مما أزهر التجارة  فى عصرة و شهدت دولته نهضة على المستوى الإقتصادى
حافظ على علاقات وديه مع ملوك مصر و ليديا.